Beauty.al

7 ushqimet për veshka të shëndetshme

Beauty.Al — Mon, 13 May 2013 20:48:11 +0000

Studiuesit kanë krijuar një listë me produktet që garantojnë funksionimin e duhur të veshkave.
1. Në fillim përfshihen të gjelbërat (selino, kopër). Ato e ushqejnë trupin me vitamin A, ndihmojnë tretjen e gurëve në veshka, dhe largojnë dhimbjet e barkut.

2. Produkti tjetër në listë është molla, dhe duhet patjetër t’a hamë me lëkurë. Tre mollë në ditë janë mëse të mjaftueshme.
3. Prodhimet e peshkut e furnizojnë trupin me elemente të rëndësishme, acide yndyrore, vitamina dhe proteina, të cilat kanë efekte pozitiv për veshkat.
4. Shalqiu është diuretik, duke ndihmuar kështu largimin e rërës nga veshkat dhe tretjen e kripës.
5. Kungulli e furnizon trupin me vitamina dhe përfshihet në plane të ndryshme dietike.
6. Trëndafili i egër ndihmon trupin të përballojë sëmundjet infektuese.
7. Prodhimet me miell thekër janë të pasura në vitamina dhe fibra, duke shpejtuar kështu tretjen dhe metabolizmin.

Depresioni është sëmundje ngjitëse

Beauty.Al — Tue, 30 Apr 2013 20:12:54 +0000

Nëse rrini me një person që vuan nga depresioni për një kohë të gjatë, atëherë kjo është mënyra më e drejtpërdrejtë që edhe ju të keni të njëjtat simptoma.
Ky studim u krye nga psikologët amerikanë, në më shumë se 200 studentë të cilët jetonin me shokë ose shoqe në dhomë. Sipas shkencëtarëve, ky grup është më i ndjeshëm ndaj depresionit meqënse janë në një fazë tranzicioni të jetës.
Rezultatet treguan se gjëndja shpirtërore e studentëve varej shumë nga temperamenti emocional i shokut të dhomës. Studentët, të cilët ndanin dhomën me shokë që vuanin nga depresioni, anonin më tepër që të përjetonin të njëjtën gjë. Me grupin tjetër ndodhte krejtësisht e kundërta: shokë dhome pozitive “infektojnë” studentët e tjerë, me pikëpamjet e tyre pozitive të jetës. 6 muaj më pas shkenctarët e kryen sërisht studimin dhe përsëri u konfirmuan të njëjtat rezultate. Kështuqë, suksesi për trajtimin e depresionit mund të arrihet duke ndërruar ambjent..

Beyonce për H&M

Beauty.Al — Tue, 30 Apr 2013 19:58:59 +0000

Shikoni videon më poshtë
Këto janë disa nga fotografitë nga fusha e re reklamuese e H&M, që u bënë në Bahamas sëbashku me filmimin e videos për këngën “Standing on the Sun”.

Më në fund mund të shohim rezultatet e bashkëpunimit të këngëtares me kompaninë e modës.

Në këtë set, këngëtarja tregon bikini më ngjyra, teksa performon këngën e re dhe duke nxitur kështu kuriozitetin me një version të shkurter të klipit të ri.

5 mënyra për të kënaqur partnerin tuaj

Beauty.Al — Mon, 22 Apr 2013 21:38:54 +0000

Lëreni rehat
Jo gjithmonë. Por kur vjen nga puna në shtëpi, ose kur është shumë i stresuar për dicka, ndonjëherë ajo cfarë do një mashkull në ato momente është të rrijë në qetësi dhe vetëm, për pak kohë. Kur një vajzë e kupton këtë dhe i jep hapësira, ai e kupton dhe i është mirënjohës.

Lijani atij në dorë
Le ta pranojmë. Djemve u pëlqen të ndjejnë se e kanë situatën nën kontroll. Ndonjëherë duhet t’a lini atë të zgjedhë rrugën, restorantin, ose filmin pa ndërhyrë me idetë tuaja “të zgjuara”. Kjo do ta bëjë atë të ndjehet krenar dhe që ju keni besim tek ai.

Bëjini një surprizë seksi
Mbase të brëndshmet seksi nuk janë të tipin tuaj. Mos u mërzisni, djemve nuk është se ju intereson gjithë kohës kjo. Por mundohuni të dilni paksa jashtë zonës suaj të rehatisë. Takojeni për një pijë në një fustan seksi të zi, ose surprizojeni me disa të brëndshme seksi. Do ta kuptojë që po e bëni vetëm për të.

Kini një vesh për të
Është tunduese të flisni vetëm ju, por bëni pak pushim. Mundohuni të mos i zgjidhni ju problemin e tij, ose ti tregoni si do të veproje nëse do të ishe në vëndin e tij. Lëreni të flasë, dëgjojeni dhe mbështeteni. Ajo cfarë do ai është një femër e edukuar, kështuqë dëgjojeni, jepini një përqafim dhe lëreni të shfryhet.

Bëjani të qartë që e doni
Nuk ka nevojë të bëheni seksi që të bëni partnerin të kuptojë që e doni në atë moment aty ku jeni. Bëni veprime të thjeshta si të vendosni dorën tuaj mbi tijën , teksa i jep makinës ose në një film ose poshtë tavolinës në një darkë.

15 ushqimet me te mira per trupin para plazhit

Beauty.Al — Sun, 21 Apr 2013 21:00:17 +0000

Vezët
Një burim i shkëlqyer dhe i lirë proteinash. Mund të hani sa të bardha vezësh që dëshironi gjatë një jave. Përsa i përket të verdhave, është e tolerueshme një në ditë për t’ju përmbajtur dietës.

Kos
I pasur me proteina, ky kos i trashë është mëngjesi ideal ose si snack dhe është në përbërje mjaft i pasur. Edhe nëse ka pak fare yndyrë nuk përbën ndonjë problem të madh.

Peshku
Më pak kalori dhe shumë proteina, karkalecat janë mënyrë e thjeshtë dhe shumë e shijshme për ti shtuar vaktit proteina. Vetëm mos i skuqni – piqini në zgarë dhe shërbejini me një sallatë të lehtë.

Fruta
Në përgjithësi konsumoni cfarëdo që ofron stina. Frutat jo vetëm janë të mbushura me minerale dhe antioksidantë (faktorë që e bëjnë të lumtur dhe lëkurën tonë), por janë edhe me fibra, që na plotësojnë pa shtuar kalori.

Perimet
Ashtu si edhe frutat, edhe këto janë të mbushura me vitamina dhe minerale dhe përmbajnë pak kalori. Mbushni gjysmën e pjatës së drekës ose të darkës me perime, dhe do të jeni në formën e duhur.

Dridhërat
Këto drithëra të plotë janë mënyra ideale për të nisur ditën, dhe ndryshe nga keket e vogla, ju mbajnë të plotësuar deri në kohën e drekës.

Bajamet
Të pasura më omega 3, bajamet mund të merren kudo dhe mbushin nepsin dhe urinë menjëherë. Sekreti qëndron në një gotë shot me bajame.

Qumështi
I mbushur me 9 ushqyes të rëndësishëm, shumë njerëz e preferojnë me cokollatë me yndyrë të ulët si një snack veror.

Patate të pjekura
Nëse nuk dëshironi gjalpin për ndonjë salcë ose kosin grek, ky burim karbohidrati është shtesë e pranueshme më cfarëdo proteinash ose perimesh që po drekoni ose darkoni.

Shufrat me proteina
Jo të gjitha shufrat me proteina janë njëlloj në përbërje. Këshillohen ato me më pak se 200 kalori më sasi të moderuar sheqeri, dhe është snack shumë i mirë për vajzat që janë jashtë gjatë ditës.

Pulë
Lyejeni me erëza pjesën e mishit të bardhë me disa patate dhe perime, dhe do krijoni kështu drekën ideale.

Uji
Përmëndet shumë herë, por shumë prej nesh harrojnë të pijnë mjaftueshëm ujë gjatë ditës ( uji që përdorni për të pirë kafen e e mëngjesit, nuk llogaritet). Shtoni një fetë limo nose kastravec nëse nuk ju pëlqen shija.

Buke me drithëra Karbohidratet nuk janë djalli. Zgjidhni buke 100% me drithëra të plotë, me tre gram fibra për një fetë për sanduice me pule e sallatë gjatë një vakti. Cdo gjë ka të bëjë më kontrollin e porcionit: Zgjidhni dy feta të holla në vakt

Femrat e zgjuara i bëjnë meshkujt më të shëndetshëm

Beauty.Al — Fri, 19 Apr 2013 20:48:36 +0000

Nga një studim i fundit ka rezultuar se një grua e zgjuar ka impakt pozitiv në shëndetin e një mashkulli.
Ky opinion është konfirmuar nga expertët nga Suedia. Eksperimenti përfshiu 1.5 milion cifte. Rezultatet e studimit bënë të mundur të kuptohej impakti i edukimit të një gruaje në shëndetin e bashkëshortit të saj.. në të njëjtën kohë, inteligjenca e mashkullit nuk ka efekt të ngjashëm.

Sipas kërkuesve, këto rezultate janë për faktin se gruaja shpeshherë merr vendime të rëndësishme përsa i përket stilit të jetesës së familjes, vecanërisht kur bëhet një dietë. Si rrejedhojë, cilësia e vendim-marrjes varet se sa edukim ka bashkëshortja. Shumë gjëra varen nga njohuritë e saj.
Edhe mashkulli është një figurë kyce në familje, pasi shpeshhere atij i duhet të përformojë rolin e financierit kryesor të familjes. Sasia e fitimeve influencon kushtet e jetesës dhe cilësine e produkteve ushqimore. Gjithashtu influencon pyetjen se sa shpesh familja mund të pushojë. Këto faktorë janë shumë të rëndësishëm për shëndetin. Faket e sipërpërmendura i cojnë shkenctarët në një përfundim- një mashkull, nëse martohet me një femër të zgjuar, jeton më gjatë.

Arsyeja e vërtetë përse mishi i kuq është i dëmshëm për shëndetin tuaj

Beauty.Al — Mon, 15 Apr 2013 12:21:52 +0000

Tashmë është konfirmuar: mishi i kuq është i dëmshëm për shëndetin e zemrës. Edhe pse mund t’a keni dëgjuar edhe më parë, studime të reja tregojnë përsëri atë që mjekët dhe ekspertët e shëndetit kanë thënë me vite- shumë mish i kuq, si shishqebapet me yndyrë dhe pjesët e qingjit, cojnë në rritje të riskut për sëmundjet e zemrës.

Por tashmë, del se nuk mund ti vemë faj shumë kolesterolit ose yndyrnave të ngopura. Është një përbërës tjetër që gjendet tek mishi i kuq që quhet karnitinë që ka të bëjë me arteriet e bllokuara. Bakteriet që gjenden tek të brëndshmet tona e kthejnë karnitinën në një kimikat të dëmshëm që quhet TMAO që mund të trashë arteriet.
Edhe pse rekomandimet për të ndërprerë mishin e kuq, nuk përbëjnë më ndonjë lajm, limitimi sa më i madh i mundshëm ju mban zemrën më të shëndetshme. Studimi gjithashtu tregoi se nuk është vetëm mishi i kuq për të cilin duhet të tregojmë kujdes: Karnitina është një suplement dietik që gjendet edhe në produkte për humbje peshe ose pije energjike.
Për t’a përmbledhur zbulimet riforcojnë këshillat për të mbajtur një dietë të stilit mesdhetar për një shëndet më të mirë të zemrës.

Harrojeni ish-in, dhe këtë herë në të vërtetë

Beauty.Al — Thu, 11 Apr 2013 20:09:31 +0000

Bëhu e ftohtë
Të qenurit në kontakt me të, ju mban të lidhur pas të shkuarës, kështuqë të paktën tani që është fillimi, largoni cdo kontakt. Hiqeni nga lista e “friends”, hiqini emrin nga chati dhe fshijeni fare dhe nga telefoni. Nëse keni miq të përbashkët, bëni një pushim të përkohshëm dhe prej tyre.

Bëni një udhëtim
Bëni një udhëtim në një vend që është krejtësisht ndryshe nga ai ku jetoni. Kështuqë nëse jetoni në qytet, kaloni një fundjavë në një zonë të qetë ose SPA, e nëse jetoni në një qytet të vogël, shkoni në një vend me zhurmë me miqtë tuaj. Nuk keni buxhet për të udhëtuar për momentin? Të paktën shkoni në një vend tjetër, ku angazhoheni me stimuj të rinj dhenuk keni kohë të mendoni për të dhe të kaluarën.

Hani më shumë sallatë
Imazhi ikonë i mbetur i një vajze që sapo është ndarë, është ai i dëshpëruar në mes të ëmbëlsirave. Por edhe nëse ndjeheni keq, filloni të ushqeheni vetëm më perime, pasi është e vërtetë: kur ndjeheni shumë mirë se si dukeni nga jashtë, do të ndjeheni shumë bukur edhe nga brenda.

Llastojeni trupin
Hidhni në plehra rrobat e rehatshme të ndarjes dhe nxirrni rroba që nxjerrin në pah imazhin tuaj, siluetën dhe buzëkuqin e kuq. Oh, dhe mos harroni të vishni dhe të brëndshmet më seksi të mundshme. Shiheni veten në pasqyrë, dhe kuptoni cilat janë pikat më seksi që keni.

Bëni një masazh Të përkëdheleni e vendosni fokusin tek ju dhe jo tek lidhja që kishit. Përvec kësaj, do të ndjeheni shumë mirë nëse bëni një trajtim fytyre ose pedikyr.

Shtiruni derisa t’ja dilni
Për këtë kini besim. Edhe pse për ju ende nuk ka marrë fund, shtiruni sikur është e kundërta..dhe dalëngadalë ashtu do të ndodhë. Detyrojeni veten të shkoni në festa dhe të flirtoni me meshkuj të tjerë, derisa një ditë do të kuptoni se nuk po luani më, por jeni vërtet e interesuar për këtë djalin e ri .

Jini e zënë
Një nga ato gjërat më të vështira pas ndarjes është të mos kesh partnerin e zemrës që të dalësh cdo natë të javës. Për të mbushur këtë boshllëk bëni më shumë plane- organizoni darka dhe aktivitete me miqtë tuaj. Krijoni një hobi të ri, si kurse pikture, mësime kërcimi etj .

Por ndonjëherë edhe qani
Jepini vetes kohë ndonjë natë teksa jeni në shtëpi të qani dhe të mendoni për humbjen e marrdhënies. Jepini vetes një ose dy orë për ta nxerrë të gjithe mërzitjen, pasi e shprehura ju ndihmon të shëroheni. Vetëm sigurohuni që në fund gjërat të përfundojnë në mënyrë pozitive si qetësim në vaskë, ose natë jashtë me shoqet.

Ndizni laptopin
Është e vërtetë që mikeshat tuaja janë burimi më i mirë për të harruar ish-in, por mos u mbështesni shume tek to. Në momente që nuk ndjeheni mirë, mundohuni të shkruani dicka se si ndjeheni në një letër, por që sigurisht të cilën nuk ja dërgoni kurrë askujt.

Kukulla Barbie pa makiazh

Beauty.Al — Tue, 09 Apr 2013 18:20:43 +0000

HuffingtonPost ka prezantuar një zbulim interesant. Gazetarët janë munduar të imagjinojnë se si do të dukej një kukull Barbie pa rimel, buzë çiklamin, ngjyrë tek faqet, sy të lyera dhe korrektor…

Artisti u mundua të paraqiste se si do të dukej Barbie pa makiazh. Si përfundim, audienca do të mund të shihte se Barbie kishte rrathë poshtë syve, puçra, lëkurë jo perfekte, dhe ndonjë njollë. Dhe gazetarët vunë re se kjo ishte mënyra se si virtualisht çdo vajzë e bukur dukej në mëngjes.
Ne na mbetet të mendojmë se nëse Barbie do të ishte kështu, a do të kishte të njëjtin numër fansash, dhe nëse do të ishte ikonë stili për vajzat e vogla, nëse do të dilte në shitje.
Edhe njëherë tjetër, admirojmë fuqinë e magjisë së makiazhit.

Përse femrat nuk mbajnë dot dietë

Beauty.Al — Thu, 21 Feb 2013 11:40:53 +0000

Tashmë është llogaritur momenti, kur shumë femra e lënë dietën. Sipas ekspertëve angleze, kjo është periudha prej 5 javësh, 2 ditësh dhe 43 minutash. 13% e femrave ia dolën t’a mbanin dietën për një periudhe prej 13 javësh ose më shumë, 19% e lanë dietën që pas një muaji, 8% pas një jave, dhe 16% mund të mbanin dietë vetem 2 javë.

Femrat zakonisht tundohen për të lënë dietën nga zakone ushqimi, për shkak të karameleve, biskotave dhe tortave. 48% hoqën dorë nën presionin e cokollatës, 31% për shkak të resistimit ndaj patatinave, 26% filluan përsëri bukën dhe djathin, dhe 23% e lanë dietën për shkak të verës. 59% e femrave e pranuan se për to kishte qenë tepër e vështirë të mbanin dietën për shkak të nepsit ndaj produkteve që dëmtojnë më shumë, 42% thjeshtë nuk rrinin dot pa ngrënë dhe 30% e femrave u ankuan sepse gjatë dietës ishin pa humor dhe të dëshpëruara.
Sipas anketimit, femrat fillojnë dietën për herë të parë në moshën 26 vjecare, por një në tre femra e fillon atë më herët- nga mosha 15- 20 vjec. Motivimet më të mira për të humbur peshë janë një fotografi e vetë personit, ose reflektimi në pasqyrë. Nxitësi më i fuqishëm për disa femra ishte pyetja: “Sa muajshe je shtatzanë?”. Disa femra menduan se duhet të humbisnin peshë për të mbajtur pas vetes partnerin, ose për të përmisuar jetën seksuale.